Blog

5 причини зошто треба да изградите база на лојални клиенти

Сите бизниси имаат еден приоритет: зголемување на приходите и добивката. За да имаат поголеми приходи, тие треба да продаваат повеќе, што, пак, значи – им требаат и повеќе клиенти. Како резултат на тоа, многу често фокусот е на добивање на нови клиенти, а малку подзабораваат на потребата да го одржат задоволството на оние што веќе ги имаат.

Најлесниот и најпредвидлив извор на нови приходи е токму пред вас: постоечките клиенти кои веќе ви укажале доверба и ја знаат вашата компанија. Не е тајна дека поевтино е да се задржат постоечките клиенти отколку да се добијат нови.

Пред да бркате нови клиенти, погрижете се постоечките да бидат задоволни.

Најчеста замка во која паѓаат бизнисите е верувањето дека ако имаат одличен производ или услуга, тогаш лојалноста на клиентите ќе следи природно. Иако ова може да биде точно во некои случаи, суровата вистина е дека тоа е само краткорочна стратегија. Уште пострашна вистина е дека, порано или подоцна, вашите клиенти лесно може да одлучат да ве напуштат! Ако престанете да се трудите околу нив и сте во трка само по нови клиенти, тие почнуваат да чувствуваат дека повеќе не се грижите.

Неопходно е да се грижите за постоечките клиенти, континуирано. За да ви биде полесен овој дел од работата потребни ви се алатки со кои ќе ги идентификувате потреби на клиентите, ќе ги следите нивните желби и ќе им продадете повеќе на оние кои ќе останат ваши долгорочни извори на приходи.

Систематското работење на оваа тема е основен предуслов за зголемување на вредноста на секој постоечки клиенти одвоено. Со соодветна (CRM) алатка која делумно или целосно ќе ја автоматизира грижата за клиентите може да дојдете до:

1. Подобри стапки на конверзија. 

Постоечките клиенти веќе еднаш купиле од вас, па освен ако немале разочарувачко искуство, тие ќе купат од вас повторно. Веќе сте воспоставиле доверба во вашиот производ, ги имате нивните податоци во CRM-от и знаете некои работи за нив, што ви олеснува да ги идентификувате нивните потреби и да ги предвидите нивните следни желби.

2. Помалку трошоци за маркетинг.

Ќе потрошите помалку време, напор и пари за да остварите нова продажба, бидејќи веќе знаете кому и што да му понудите.

3. Подобра испорачана услуга. 

Имате златна можност да ја подобрите понудата и севкупните перформанси само од собирањето искуства и коментари на вашите клиенти. Дали вашата услуга за клиентите е доволно добра? Дали вашиот производ ги исполни нивните очекувања? Дали нуди соодветна вредност за парите?

4.
Поголема заработка. 

Продажбата на постојните клиенти е помалку фокусирана на цената, за разлика од продажбата на нови клиенти. Вашите постоечки клиенти се свесни за додадената вредност која ја нудите, па полесно е да се заинтересираат за уште повеќе ваши производи или услуги без да разгледаат други понуди. Всушност, според Парето принципот јасно е дека 80% од приходите на вашата компанија потекнуваат од само 20% од вашите клиенти, што е сериозен индикатор да работите интензивно на лојалноста на вашите најважни клиенти.

5.
Пониски трошоци. 

Како што расте бројот на клиенти расте и потребата од нивна организација и управување. Ако имате систем како InOne во кој го меѓу другото може да го следите однесувањето на вашите клиенти, трошокот секогаш ќе остане далеку помал во споредба со бројот на клиентите и потенцијалниот приход.

Квалитетна база на податоци за клиентите која води евиденција за сите интеракции и трансакции е клучна за градење на долготрајни партнерства со клиентите. InOne e вашиот партнер во градење база на лојални клиенти.

Дел од целокупната понуда на сервиси во рамки на InOne е и CRM систем со кој може да ги собирате и да управувате со информациите за вашите клиенти и исто така да управувате со активностите околу нивниот ангажманот и интерес за вашиот производ или услуга. Можете да ја автоматизирате комуникацијата со нив да импресионирате и да заработите повеќе!

Побарајте решение за вашиот бизнис денес:

Споделете

Прочитајте повеќе статии

Content Marketing
Content marketing

Содржината е секогаш клуч

Креирајте содржина за поголем сообраќај кон веб страната Иако креирањето на содржина (content marketing / маркетинг со содржина) од неодамна

Контактирајте не